الكاتب مينا عابد.. قلم شاب يحمل روحًا خاصة، يكتب قصصًا تمزج بين الواقع والخيال، ليمنح القارئ رحلة من الدهشة والتأمل

انا مش متكبر 

أنا إنسان أهتم كثيراً ، لكني قد لا ابتدي الحديث ليس لأني مغرور أو متكبر بل لاني أخشى أن أزعج أحد ، فأعتذر جداً لكل من ظن أني اتجاهله . . !!

انا مش عارف انا صح ولا غلط في الدنيا دي واكيد شخصيتي بردو مش احسن حاجة ..

بس علي الاقل انا عمري ما كنت منافق..مابقولش حاجه غير اللي في قلبي ..

عمري ما كنت كداب..مابيهونش عليا اخدع او اضحك علي حد مهما كانت مصلحتي .. 

عمري ما كنت حقود بتمني لغيري كل الخير والسعادة ..

عمري ما كنت بوشين..ماعرفش اضحكلك وانا مش قابلك.. 

عمري ما كنت خاين لحب او صداقة مش هتلاقي اجدع مني يقف جنبك وفي ضهرك ..

ممكن اكون مش برد علي ناس كتير وفي ناس كتير بتقول عني متكبر بس والله انا قلبي نضيف 

وكل اللي بتمناه حقيقي بجد ناس تعاملني بالمثل مش اكتر.. بتمني قلوب طيبة لينة تحبني و تحب الخير ليا عشان الدنيا بقت صعبة و مخيفة و النضيف فيها مالوش حظ ولا مكان خالص ..

‏أنا حالياً بقيت شخص مسالم ومتصالح جدا مع نفسي ومع غيري واقتنعت ان مفيش حاجه مستاهلة.. بمعني انت حاببني تسلم و ربنا يزيد المحبه ، كارهني ومش قابلني حاجه ترجعلك وربنا يسامحك ،قربت مني اهلا وسهلا ، بعدت مش هلومك ولا هسألك ليه ..مشيت خالص بردو براحتك ..من الاخر انا قررت اوفر طاقتي و مجهودي لنفسي مش ناوي اضيعها تاني في زعل ولوم و عتاب بكفاية اللي راح .. ودلؤقتي أحسن ومرتاح وراضي عن حالي كده الحمدلله ..

بحمد ربنا علي نعمة الرضا و القناعة واني عينى مليانه الحمدلله وثقتي في نفسي كبيرة لا فارق معايا ابص لحد معاه ايه ولا عمل ايه ولا عمري كان جوايا نفسنة ناحية حد او غل عشان احقد علي حد ولا حتي بحب اقارن نفسى بحد دايما باصص لنفسي وبس .. وبتمني من جوايا الخير للكل ..

 اسف جدا على عدم ردى على الرسايل بسبب انشغالى وعدم فتح الفيس كثير وارجوا من الجميع تقبل اعتزارى   

اخواتي و أصدقائي لكم كل الحب والشكر و التقدير على كرم أخلاقكم التي أوقفتني موقف العاجز عن الوفاء ، فلكم جزيل الحب وأصدق المشاعر 

“ليست الكلمات نهاية، بل بداية لعوالم جديدة يولدها القارئ في قلبه، فكل نص يُكتب ليعيش فيكم أكثر مما عاش في الورق.”