اتجوز المده الي انتا عايزها بدون قيود

حدد كده زواجك واتجوز ف المده انتا عايزها

تداول رواد مواقع التواصل الاجتماعى في مصر الحديث عن ظاهرة الزواج محدد المدة وتسال عدد من الناشطين المصريين عن حقيقه هذا الأمر

قال المستشار القانونى والاعلامى هيثم محمد عيد المحامى بالنقض والاعلامى البارز

في البدايه وعلشان نبقي متفقين الزواج الشرعي هو ما يكون القصد منه الدوام فاهم كلمه الدوام دى يعنى الاستمراريه وعدم التقييد بزمن معين والا كان زواج محرم شرعا ولا يترتب عليه أثار الزواج الشرعيه يعنى الناس إلى هتتزوج بالطريقه دى متجيش بعد كده تقول حقوقي فين وبالذات الستات انتى عملتى جريمه مخالفه للشرع يعنى دة اسمه زواج متعه وانتى اتمتعتى بيه او متمتعتيش بيه انتى قبلتى وإحنا حزرنا فمنرجعش نزعل

وحزر الكاتب من عدم الانسياق وراء دعوات حداثة المصطلحات دى في عقد الزواج بلاش الاختراعات المحرمة والمجرمة الأمر دة بيزعزع القيم وبيعمل بلبله في المجتمع ويؤثر على استقرار وتماسك الأسر التي حرص عليها ديننا الحنيف والتى راعته قوانين الدولة

فإذا تم اشتراط مدة معينه في عقد النكاح او عقد الزواج فينفسخ العقد بعدها فالنكاح او الزواج هنا باطل باتفاق جميع الائمه على ذلك ليه باطل لان هذا هو نكاح المتعه الذي حرمه رسول الله صلي الله عليه وسلم

فهنقعد بقا نغير في المصطلحات علشان نستحدث جمل وعبارات نهرب من كلمه زواج المتعه ونضحك بيها على الى مش فاهم لا احنا فاهمين كل حاجه الحلال بين والحرام بين  

غير المصطلحات زى منتا عايز وسمى بالطريقه إلى تريحك بردة اسمه زواج متعه محرم شرعا

وأضاف فيه حد بيقولى مهو لو تزوج واتفق مع الزوجه او مع الى هيتزوجها على مدة معينه كسنه او اثنين ايه المشكله ونكتب كدة في العقد وبعدين كل واحد يروح لحاله ما احنا كدة معملناش حاجه في الحرام

ياسيدى الفاضل فعلا انتا معملتش حاجه في الحرام انتا عملت الحرام نفسه مش انتا مسلم وموحد بالله ومؤمن برسول الله صلى الله عليه وسلم لو آه خلاص اسمع تعليمات النبى وشوف الدين أمر بايه ونهى عن ايه ومتسالش حد ومتخليش حد يقولك ولا يفتيلك الزواج هنا باطل لانه زواج متعه ولو استوفى فيه شروط الزواج وأركانه

زواج المتعه حرام وان اكتملت اركان وشروط الزواج

لان الزواج هو تكوين أسرة مستقلة الزواج عقد شراكه بين رجل وأمراه الزواج رباط ملزم مدى الحياة والعلاقة بين الزوجين تقوم على الاحترام المتبادل والالتزام والمسؤليه ويربطهما الحب والتعاون

قال الله تعالى بسم الله الرحمن الرحيم

ومن آياته أن خلق لكم من أنفسكم أزواجا لتسكنوا اليها وجعل بينكم مودة ورحمه ان في ذلك لايات لقوم يتفكرون 0 صدق الله العظيم

ولماذا قال المولى عز وجل مودة ورحمه ومقالش حب

لان المودة أوسع واشمل وأعمق من الحب وهى الدليل على وجود الحب الصادق ولان الحب شعور فقط أما المودة شعور وسلوك فكثيرا ما يفهم الحياة الزوجية خطا لان الحياة الزوجية ليست عالم الأحلام والرومانسية والرفاهيه المطلقة وكل متطلبات الحياة مجابه فيها على الفور الحياة الزوجيه حياه واقعيه تتطلب العمل والاجتهاد والصبر والجهد والتنازل والتغاضي والعطاء والرعايه والاهتمام والمشاركة

حياه تقوم على خد وهات اخذ وعطاء لم تقم من جانب واحد فقط

وكذلك كلمه الرحمه التى هي اشمل من الحب واعم منه فالرحمة غنيه بالحب لكن الحب ليس بالضرورة ان يحتوى على الرحمه والدليل ان بعض قصص الحب التى تنتهي بالزواج تفشل

فتوليفه الحب هي المودة والرحمة والسكينة ودة بحسب السنة الالهيه والفطرة السليمه

فتيجى بقا تقولي زواج محدد المدة وزواج متعه وكلام فارغ مالوش أساس من الصحة ولا سند في الشرع والقانون يبقي كلام غير صحيح ومفيش حد هيصدقه الا بدليل قاطع