المعالجة النفسية إيمان خضر
من فترة قابلت أخين، ولد وبنت. اتربّوا في الخليج على الاحترام والأدب textbook، زي ولاد كتير في مصر اتربّوا كده.
العيال بيتعاملوا مع البشر زي ما كتاب الأدب بيقول، مبيخترقوش حدودهم، لطف كبير جدًا، وأدب مبالغ فيه.
عارفين العيال دي فين دلوقتي؟
بقالهم كذا سنة بيتعالجوا من مشاكل نفسية ضخمة جدًا لما اترموا وسط المجتمع.
العيال دي اتاكلت بالمعنى الحرفي للكلمة.
البنت وصل معاها الأمر، بسبب الصدمات اللي خدتها من صحابها، إنها اتحجزت في مصحة.
الولد دخل في اكتئاب وهاجر بعد الكلية ولسه بيتعالج.
فكرة إنك تربي عيالك على: “يا حبايبي ملكمش دعوة بتصرفات الناس حواليكم”، ولا إنك توعيهم بحقارة البشر، ولا إنه يفهم الـ pattern (آسفة في التعبير) قذارة البعض…
هتخلّي ابنك مريض نفسيًا.
مدرك جدًا حسن نية الناس اللي بتقول كده، وإنهم عايزين يطبقوا textbook اللطافة والـ cuteness… بس مش هنا.
إنت هنا في مجتمع مريض نفسيًا حرفيًا.
ابنك لو مطلعش ومترباش إنه يبقى كأنه اتدعك في الدنيا واتفرم ويفهم اللي قدامه من كلمة ونص في سياقهم…
هيتاكل حي هنا.
هيفهم الكلام ده كويس الناس اللي اتدعكت في شوارع ومشاكل المجتمع ده.
—
#من_العيادة
بقلم: المعالجة النفسية إيمان خضر
