فادي ملاك: دعم كامل لمرشحي الفردي مستقبل وطن عن القاهرة

في تصريح خاص علي هامش المؤتمر الجماهيري الاول لحزب مستقبل وطن امانة القاهره صرح فادي ملاك امين شباب شرق مدينة نصر في وقت بلدنا محتاجة كل صوت واعي، حبيت أتكلم بصراحة ومن القلب، مش كأمين شباب شرق مدينة نصر بس، لكن كواحد من شباب مصر اللي عايزين يشوفوا فرق حقيقي على الأرض.

أنا بدعم مرشحي حزب مستقبل وطن، سواء في القائمة أو على المقاعد الفردية. دعم نابع من متابعتي ليهم، واحتكاكي بشغلهم، وشوفي قد إيه بيحاولوا يفضلوا قريبين من الناس، ويسمعوا، ويتكلموا، ويشتغلوا.

القائمة اللي نازلة بتمثل فعلاً تنوع حقيقي، فيها شباب، وسيدات، وخبرات، وكل واحد فيهم عنده حاجة يقدمها، وجاي من قلب المجتمع. والناس دي مش نازلة من فراغ، دي نازلة عشان تكمل شغل بدأته، وعشان تفتح باب جديد للتغيير.

أما على مستوى المقاعد الفردية عن محافظة القاهرة، فبدعم وبثقة مجموعة من المرشحين اللي يستحقوا الدعم فعلاً،

كل واحد منهم له بصمة واضحة، وسجل من العمل، وتجربة بتخليه قد المسؤولية، واشتغل وسط الناس بجدية واحترام.

أما في القائمة الوطنية من أجل مصر، فمرشحي حزب مستقبل وطن عن القاهرة هما مجموعة مميزة من الكفاءات والخبرات، فيهم النواب المعروفين، وفيهم كمان وجوه شبابية وسيدات، كلهم بيكملوا بعض، وكلهم صوتهم من صوتنا.

إحنا كشباب مش دورنا نتفرج، لازم نشارك، ولازم نعرف إن صوتنا ليه قيمة، وإن اختياراتنا بتصنع فرق. والانتخابات دي مش بس ورقة في صندوق، دي أمانة وقرار لمستقبلنا.

و اختتم قائلا معا جميعا لاستقرار البلاد في وقت الكل بيعاني في المنطقه