بعد زراعة الشعر.. هل المينوكسيديل ضروري للحفاظ على النتيجة؟ دكتور أحمد النجار يوضح
بعد الإقبال المتزايد على عمليات زراعة الشعر، بيظهر سؤال مهم عند مرضى كتير: هل استخدام المينوكسيديل بعد العملية ضروري، ولا الشعر المزروع يقدر يحتفظ بنتيجته من غيره؟
الدكتور أحمد النجار، أخصائي الأمراض الجلدية و التجميل وزراعة الشعر، بيوضح إن المينوكسيديل مش ضروري لكل مريض بعد الزراعة، لكن ممكن يكون جزءًا مهمًا من خطة العلاج لبعض الحالات، حسب طبيعة تساقط الشعر وحالة فروة الرأس واحتياجات كل مريض.
وأوضح إن زراعة الشعر بتنقل البصيلات من المنطقة المانحة إلى المناطق اللي بتعاني من الصلع، لكنها مش بتمنع بالضرورة استمرار تساقط الشعر الأصلي غير المزروع. وهنا ممكن ييجي دور المينوكسيديل في المساعدة على تحسين كثافة الشعر الموجود وتقليل تأثير الصلع الوراثي لدى المرضى المناسبين للعلاج.
وأضاف أن من الأخطاء الشائعة إن المريض يعتقد إن نجاح العملية معناه إنه مش هيحتاج أي علاج بعد كده، لكن الحفاظ على النتيجة على المدى الطويل ممكن يتطلب خطة علاجية ومتابعة دورية، خصوصًا لو الصلع الوراثي لسه مستمر في التقدم.
لكن إمتى نبدأ المينوكسيديل بعد الزراعة؟
أكد الدكتور أحمد النجار إن توقيت استخدام المينوكسيديل الموضعي عادةً بيكون بعد مرور شهر من العملية وفقا لاحدث التوصيات.
وأشار إلى إن المريض ما ينفعش يبدأ العلاج أو يوقفه من نفسه، لأن اختيار العلاج المناسب وتوقيت استخدامه بيختلفوا من حالة للتانية.
واختتم بالتأكيد على إن نجاح زراعة الشعر مش بيتوقف عند يوم العملية، لكنه بيعتمد كمان على التشخيص الصحيح قبلها، والعناية بفروة الرأس بعدها، والمتابعة الطبية للحفاظ على أفضل نتيجة ممكنة.
