كتب / محمود دياب
خليك ابن اصول
-لما تلاقي نفسك ما بتنكرش الجِميل والمعروف ،ولسه شايل جوّاك فضل وإحسان معيّن حد عمله معاك في يوم من الأيام اعرف إنك أصيل…-لما تلاقي شعورك تجاه حد ما بيتغيّرش لمجرد خلاف حصل بينكم وما قلبتش الطربيزة عليه لمجرد إنه دخل معاك في عتاب ..اعرف إنك أصيل ..-لما تلاقي نفسك لسه بتقدّر وجود ناس معيّنة في حياتك مهما شفت منهم ومهما عملوا لأنك واثق من جواك ان ده من ورا قلبهم….اعرف إنك أصيل..- لما تتعوّد على كلمة “أسف “و “حقك عليا ” و “أنا ما اقصدش ” وتتعوّد إنك تطيّب الخاطر وما تكسرهوش …اعرف إنك أصيل-لما تعترف بينك وبين نفسك إنك أخطأت في حق حد معيّن، وبتحاول تبيّن له إنك فعلا متضايق عشان اللي صَدر منّك ….إعرف إنك أصيل -لما تلاقي نفسك بتتعصّب على حد بتحبه على أتفه الأسباب….عشان غلاوته ما تتقارنش بحد تاني …..اعرف إنك أصيل -لما ما تنكرش فضل أكتر ناس كانوا جنبك في العُسر قبل اليُسر ….وتفتكرهم دايما بالخير اللي عملوه معاك … اعرف انك أصيل كلمة ده حد أصيل مش كلمة سهلة ولا بتتشرح بالكلام ….الأصل الطيّب ده نشأة وأخلاق وتربية …. الأصل الطيب قوة مش ضعف ويا بخت اللي بيزرع في أولاده ازاى ما ينكروش الجميل ،ويتأسفوا لما يغلطوا في حق الغير. …..
في وقت الشدائد والمحن الصعبة تظهر معادن الناس وتظهر الناس على أصلها وحقيقتها ..!
في وقت الشده يظهر الأصل الطيب من الاصل الخبيث ..!
في وقت الشده تعرف العدو من الصديق ..!
في وقت الشدة يظهر أصحاب المصالح من الأصحاب الحقيقيين ..!
في وقت الشدة تعرف الذي يحبك فعلاً من المنافق الخبيث ..!
في وقت الشدة يظهر أصحاب القلوب المريضة من أصحاب القلوب السليمة ..!
في وقت الشدة سوف تعرف الحقود من المُحب ومن المنافقين أصحاب الضحكة الصفراء ..!
وفي وقت الشدة فقط ستعرف من هم أحبابك ومن هم حثالة أختيارك
ما تعملش فيها ابن ناس
لكن خليك ابن الأصول
