انا ايه كان حلمى من زمان ان يكون عندي براند بس ما كنتش عارفه البراند ده يكون عباره عن ايه كنت دايما بدور وسط البراندات عن براند يكون بيعبر عني وعن شخصيتي لحد ما في مره كنت قاعده مع دكتوره رانيا دكتوره صيدلانيه صاحبتي وشطره جدا كانت ديما بتقلى البنات بيجولى الصيدليه وشهم محروق وشعرهم بايظ وعوزين حل لبشرتهم
وبدانا نتكلم ليه ما نعملش براند ونستغل خبرتها كدكتوره وعلمها الواسع ان احنا نوفر منتجات امنه للبنات تعالج بشرتهم وشعرهم بدون اي ضرر عشان كده بدانا ناخد خطوه روفينا روفينا براند مكنش مجرد براند احنا قعدنا فتره طويله جدا نجهز ليه ونختار ايه هي المنتجات اللي لكل محتاجها الفتره دي وهتناسب كل بنت وهتفرق معاها وفي نفس الوقت تكون منتجات علاجيه مش بس تجميليه وده كان هدفنا وان يكون السعر مش عالي على البنات او على العميل بشكل عام بدانا البراند من شهر قبل ما نبدا طبعا خدنا اكثر من شهور فى التجهيزات وجربنا كل منتج علينا وعلى اصحابنا فضلنا نختار العبوات والاستيكرز والمنتجات اللي هنبدا بيها والمواد الفعاله اللي هنشتغل بيها لازم تكون امنه جدا وبدانا نعلن عن البراند بتاعنا والحمد لله من اول شهر كسبنا متابعين لينا وعملاء واثقين في منتجاتنا وكم الريفيوهات كبير جدا روفينا حلم لسه صغير بس هيكبر ان شاء الله بيكم انتم
