كتب / محمود دياب سيد
محدش عارف انت من جواك تعبان قد إيه وشايل هموم قد إيه .. لانك من برة دايما هادي وبشوش وبتضحك والابتسامة مابتفارقش وشك .. عشان كدة مهما اشتكيت محدش هيحس بيك .. لانك عودتهم انك دايما واقف علي رجلك في وش اي حاجه مهما كانت صعبة .. ياريت الناس تقدر تفهم اننا بنضحك من كتر الهم والحزن والضغط النفسي اللي جوانا
محدش هيحس “بوجعك” غيرك
فى إحساس كده صعب يتوصف ، لما تحس إنك مخنوق وضعيف جداً وهش ، ومش لاقى حد يسمعك ، أو حتى لو لقيت وفضلت تحكي
تلاقيه مش بيفهمك ومش بيحس بيك ، فتكتم ف نفسك
وتحاول تمثل إنك كويس ، مع إنك تعبان ومتدمر نفسياً وجسدياً
واسوأ إحساس هنا إنك تتظاهر بعكس اللى جواك واللى حاسس بيه
ساعتها بس هتحس إنك وحيد جدا ومش مفهوم
ومن الصعب إنك توصف اللى حاسه لحد ، ومن الأصعب إن الحد ده
يحس بنفس حزنك ووجعك ، فمتلاقيش فرق بين الكتمان والفضفضة
وفى الحالتين محدش بيحس بيك و بوجعك غيرك
وف الأول وف الأخر الإنسان مننا طاقه لما بتخلص بنتعب وبنضعف
وبنحب ننعزل عن الناس ونبقى لوحدينا ، الوحدة مش حلوه هي بس عشان الطاقة والصبر خلاص نفذ ، وان الواحد تعب
