قصتي مع مؤسسة [ قلب ابيض لذوى القدرات الخاصه]
أنا هبه فرويز جاب الله بدأت رحلتي مع الأطفال ذوي الاحتياجات الخاصة بدافع إنساني وبحلم كبير جوايا. من سنين طويلة كان عندي يقين إن كل طفل، مهما كانت قدراته، من حقه يعيش حياة كريمة ويتعلم ويتأهل وياخد فرصته في المجتمع.
في سنة ٢٠١٩ قررت أبدأ أول خطوة، ورغم التحديات والظروف الصعبة (حتى وقت جائحة كورونا)، فضلت مستمرة، لأن كان جوايا هدف ورسالة وايمان بتميزهم وان التدخل المبكر مهم جدا . ومن هنا أسست مؤسسة قلب ابيض ، كمؤسسة غير هادفة للربح ومشهرة رسميًا من وزارة التضامن الاجتماعي.
إحنا في المؤسسة بنشتغل بحب وصبر، وبنقدم:
• تشخيص دقيق لحالة كل طفل.
• تدريب وتأهيل يساعده ينمي قدراتهم العقلية واللغوية والسلوكية.
• دعم نفسي واجتماعي للأمهات والأسر.
• برامج للتأهيل المهني علشان نجهز الشباب لسوق العمل.
أنا مؤمنة إن كل خطوة صغيرة بيحققها أي طفل معانا هي في الحقيقة إنجاز كبير، مش بس ليه لكن لينا كلنا.
رسالتي إننا نوصل لأكبر عدد ممكن من الأطفال ونفتح لهم باب الأمل، لأنهم يستحقوا يعيشوا حياتهم بكرامة واندماج، ويكون ليهم دور إيجابي زي أي فرد في المجتمع
