في شارع درويش العربي بمنطقة الأميرية، صنع يوسف لنفسه اسم مختلف في عالم الملابس على مدار 8 سنين خبرة في المجال. ومن 3 سنين فتح محله اللي بقى مقصد لكل الناس بسبب عروضه الخرافية وأسعاره اللي “أقل من المصنع”.
الناس في المنطقة أطلقوا عليه لقب “بتاع الغلابة”، لأنه بيكسر الأسعار عشان كل واحد يقدر يشتري، وأشهر عرض عنده كان البنطلون بـ10 جنيه اللي خلى محله حديث الشارع.
يوسف أكد إن هدفه مش الربح السريع، لكن إنه يفضل دايمًا جنب الناس البسيطة، ويثبت إن الجودة ممكن توصل للكل بسعر في المتناول.
