“6 أيام”.. وجوه شابة تخطف الأنظار في أول تجربة سينمائية للمخرج كريم شعبان
“6 أيام”.. وجوه شابة تخطف الأنظار في أول تجربة سينمائية للمخرج كريم شعبان
السينما المصرية على موعد مع انطلاقة جديدة ومميزة من خلال فيلم “6 أيام”، اللي هيبدأ عرضه النهارده، 15 يناير، في سينمات مصر، وبكرة في سينمات الخليج. الفيلم بيجمع بين نخبة من النجوم الشباب اللي نجحوا في تقديم أداء مبهر. بطولة النجم أحمد مالك والنجمة الشابة آية سماحة، بجانب مجموعة من المواهب الصاعدة زي مالك عماد، فؤاد محسن، محمد العطار، فريدة حمدي، وإبرام.
أبطال الفيلم قدموا أداء استثنائي نجح في خطف الأنظار، وبيثبتوا إنهم مشاريع نجوم كبيرة في المستقبل. طريقة تجسيدهم للأدوار مليانة تفاصيل وإحساس عالٍ، وخلّت كل مشهد مليان حياة وقوة.
كريم شعبان.. مخرج واعد في أول تجربة سينمائية للجمهور العام
الفيلم من إخراج المبدع كريم شعبان، اللي أخرج قبل كده العديد من الأفلام القصيرة الناجحة اللي لاقت إشادة واسعة. لكن “6 أيام” بيعتبر أول تجربة سينمائية ليه بجمهور عام، وهي خطوة جديدة ومهمة في مسيرته الفنية. كريم شعبان قدر في أول فيلم طويل ليه يقدم رؤية سينمائية مميزة، تجمع بين الأداء التمثيلي القوي والإبداع الإخراجي اللي بيحمل بصمته الفريدة.
عرض خاص يستحق المشاهدة
“6 أيام” مش بس فيلم عادي، لكنه تجربة فنية مليانة طاقة شبابية وإبداع. بيقدم جيل جديد من الممثلين اللي عندهم الإمكانيات لتغيير شكل السينما المصرية في المستقبل، جنبًا إلى جنب مع نجوم أثبتوا نفسهم زي أحمد مالك وآية سماحة.
الفيلم هيكون متاح في دور العرض المصرية النهارده، وفي سينمات الخليج بكرة. لو كنت من عشاق السينما، متفوتش فرصة مشاهدة العمل ده اللي بيجمع بين التميز الفني والرؤية الإبداعية لمخرج واعد زي كريم شعبان.
