🎄🎄٢٠٢٦ بدايه جديده 🎄🎄
رأس السنة… مش بداية زمن، دي بداية وعي
رأس السنة مش مجرد رقم جديد بيتكتب على التقويم،
ولا ليلة نقرر فيها وعود غالبًا بننسى نصها بعد أسابيع.
رأس السنة في معناها النفسي الحقيقي هي وقفة صادقة مع النفس.
إحنا مش محتاجين سنة جديدة عشان نبدأ،
إحنا محتاجين قلب أهدى، وعقل أوضح، وحدود أرحم.
يمكن السنة اللي فاتت كانت تقيلة…
وجعتك، خيّبت أملك، خلتك تشك في نفسك وفي اختياراتك.
بس الحقيقة النفسية المؤلمة والمريحة في نفس الوقت:
إنت كبرت، حتى لو حاسس إنك اتكسرت.
مش مطلوب تدخل السنة الجديدة أقوى،
مطلوب تدخلها أصدق.
أصدق مع تعبك، مع احتياجاتك، مع الحاجات اللي مش هينفع تكمل من غير ما تعترف بيها.
رأس السنة فرصة إنك:
تسيب جلد الذات
تصالح نفسك على اللي ماعرفتش تعمله
وتختار إنك تعيش السنة الجاية أخف مش أكثر
خفيف من علاقات بتستنزفك،
من وعود مش بتتنفذ،
من محاولات ترضي بيها الكل على حساب نفسك.
السنة الجديدة مش هتغيرك لوحدها،
بس اختياراتك اليومية الصغيرة ممكن تعمل فرق كبير.
اختيار إنك تسمع نفسك،
إنك تقول «كفاية» في وقتها،
وإنك تدي لنفسك حقها في الراحة قبل ما تنهار.
كل سنة وإنت مش مطالب تكون نسخة مثالية،
كل سنة وإنت بتتعلم تحب نفسك
حتى وهي مش كاملة.
#صحتناxنفسيتنا
#د_مهاعبدالقادرمرار
#استشاري_نفسي_وأسري
