إسراء رجب | مصر مش عقارات وسيارات بس… مصر فيها صناعات تصنع المليارات 🇪🇬
في وقت بقى فيه أي مجال ينجح فيه شخص، تلاقي ناس كتير جدًا بتجري وراه، وكأن النجاح له طريق واحد لازم الكل يمشي فيه.
لكن ليه عندنا أزمة في بعض قطاعات التطوير العقاري والسيارات؟ وهل المشكلة في القطاعات نفسها… ولا في ثقافة إننا بنكرر نفس التجربة؟
أحمد أبو هشيمة نموذج ناجح ورجل أعمال مشهور، وده شيء يُحترم، لكن مصر مش أبو هشيمة بس، ومصر مش مطورين عقاريين ومستوردين سيارات بس.
عندنا صناعات ضخمة جدًا، ورجال أعمال مصريين في قطاعات مختلفة حققوا نجاحات وثروات كبيرة، وصناعات بتدخل لمصر ملايين ومليارات، لكن مش كلهم بياخدوا نفس المساحة من الاهتمام والظهور.
وأنا لما بتكلم عن حاجات سلبية في بلدي وبطالب إنها تتغير، ده مش معناه إني شايفة السلبيات بس.
بالعكس… أنا عايزة أتكلم عن الإيجابيات كمان.
هتكلم عن صناعات مصرية ناجحة، وعن رجال أعمال بنوا نجاحهم في مجالات مختلفة، وعن قطاعات بتنتج وبتصدر وبتدخل عملة صعبة لمصر.
لأننا محتاجين نغيّر نظرتنا للنجاح.
مش كل طريق للثروة لازم يكون عقارات أو سيارات… مصر أكبر بكتير من كده. ده المقال التاني
