الحروق.. الحقيقة وراء العلاجات الشعبية والإسعافات الأولية الصحيحة

أكيد سمعنا كتير عن وصفات شعبية لعلاج الحروق زي:
“حط عسل على الحرق” أو “جرب معجون الأسنان، هيخف بسرعة”، لكن هل الكلام ده حقيقي؟ 🤔

عشان نجاوب، خلونا نفهم الأول إصابات الحروق وأنواعها، وطرق الإسعافات الأولية الصحيحة.

✅ ما هي الحروق؟

الحروق هي إصابات في الجلد أو الأنسجة بسبب التعرض لحرارة عالية أو مواد مؤثرة.

🔥 أنواع الحروق:

1️⃣ حروق حرارية: زي النار أو المياه السخنة.
2️⃣ حروق كيميائية: نتيجة التعرض لأحماض أو مواد كيميائية.
3️⃣ حروق كهربائية: بتحصل بسبب صدمة كهربائية، ودي أخطرهم لإنها بتأثر على الأنسجة الداخلية.
4️⃣ حروق إشعاعية: بسبب التعرض لأشعة الشمس فترات طويلة أو مصادر إشعاعية زي المصانع النووية.

📌 درجات الحروق:

🔹 الدرجة الأولى: بتأثر بس على الطبقة الخارجية للجلد، وبتسبب احمرار وألم بسيط.
🔹 الدرجة الثانية: بتوصل للطبقة الداخلية، وبتكون مؤلمة جدًا مع ظهور فقاعات مائية.
🔹 الدرجة الثالثة: بتدمر كل طبقات الجلد، وبتأثر على الأنسجة تحت الجلد، وأحيانًا مش بيكون فيه ألم بسبب تلف الأعصاب.

⛑️ الإسعافات الأولية للحروق:

لو حصلت إصابة بحرق، دي الخطوات الصح اللي لازم تعملها:

1️⃣ الأمان الأول!
اتأكد إن المكان آمن ليك وللمصاب قبل ما تتدخل.

2️⃣ وقف مصدر الحرق
لو نار: طفيها بسرعة.
لو مادة كيميائية: ابعد المصاب عنها فورًا.

3️⃣ التبريد بالمياه

حط المنطقة المصابة تحت مياه جارية (باردة وليست مثلجة) من 10 لـ20 دقيقة لتقليل الحرارة ومنع زيادة الضرر.

4️⃣ تغطية الحرق
بضمادة نظيفة وغير لاصقة لحمايته من العدوى، ومتستخدمش قطن لإنه ممكن يلزق في الجرح.

5️⃣ متلمسش الحرق بإيدك غير نظيفة!
عشان متسببش عدوى للمصاب.

6️⃣ لو الحرق من الدرجة الثانية أو الثالثة.. لازم تروح المستشفى فورًا!

❌ ليه معجون الأسنان والعسل غلط؟

في ناس بتقول إن العسل، معجون الأسنان، الدقيق، البيض بيساعدوا في شفاء الحروق، لكن الحقيقة العلمية بتقول العكس!
الحاجات دي بتكتم الحرارة داخل الجلد وبتزود المضاعفات بدل ما تعالج الحرق.

العسل مفيد فعلًا، لكن لما ناكله مش نحطه على الحروق! 🍯

اتعلم الصح.. وخليك مستعد لأي 

موقف طارئ! 💪
🔹 المقال نقلاً عن كوتش محمد العدوي – محاضر في الإسعافات الأولية في HealthyLife