الشاعر محمد عبدالفتاح.. قصيدة «قفلتي عيونك الظالمين» تجسد الثقة بالنفس والانتصار على الألم
الشاعر محمد عبدالفتاح.. قصيدة «قفلتي عيونك الظالمين» تجسد الثقة بالنفس والانتصار على الألم
يواصل الشاعر الشاب محمد عبدالفتاح، ابن مدينة بلطيم بمحافظة كفر الشيخ، تألقه في سماء الشعر الحديث بأسلوبه الصادق وكلماته التي تمزج ما بين العاطفة والقوة والإصرار.
استطاع من خلال مؤلفاته الثلاثة الناجحة — «حكاية حزن»، «قررت أعيش»، و*«البطل»* — أن يترك بصمة واضحة في قلوب القراء، ليصبح واحدًا من أبرز الأصوات الشعرية الشابة التي تمثل جيلًا جديدًا من المبدعين الذين يؤمنون بأن الكلمة قادرة على إحياء الأمل وبعث الثقة في النفس.
وفي واحدة من أروع قصائده التي حملت عنوان «قفلتي عيونك الظالمين»، عبّر محمد عبدالفتاح عن حالة من التحدي والتجاوز، وعن الإنسان الذي واجه خذلان الآخرين ليخرج أكثر قوةً وثباتًا، وكأنه يعلن أن الثقة بالنفس هي السلاح الحقيقي في وجه الألم.
🕊 قفلتي عيونك الظالمين 🕊
قفلتي عيونك الظالمين
ودوستي سنين وراها سنين
وبتبصيلي دلوقتي ؟
وجاية تسأليني انا مين !
لو انتي بتسأليني بجد
سؤالك عندي مالهوش رد
لانك انتي اكتر واحدة
اكتر واحدة عارفة انا مين
انا السر اللي طول عمرك
عن العالم مخبياه
وانا الفجر اللي كان عينك
تشوفه تقول ما شاء الله
انا الحلم اللي كان طارح
مابين عينك وبين نومك
وانا الشمس اللي من غيرها
مكانش بيبتدي يومك
وانا الوردة اللي بين أوراقها
كنتي بتزرعي همومك
انا الغنوه الي حكيتيها
من قلبك لناس عاشقين
انا اللي عيونك الساكتين
معايا عاشوا ليلة عيد
وانا اللي فتحت باب بكرة
وكان بكرة عليكي بعيد
وخليت السكوت جوابات
ولمسات الإيدين مواعيد
وانا اللي كتبت احساسك
حكاية حب للجايين
انا دلوقتي لو شوفتك
في وسط الناس مبعرفكيش
لانك زي طير ضايع
مالوش في الكون لا صوت ولا ريش
معاكي قلبي كان عايش
ومن بعدك كمان هيعيش
ودلوقتي انا نسيتك
قوليلي انتي اللي تطلعي مين
—
💬 قصيدة تعبّر عن روح الثقة بالنفس واستعادة الكرامة بعد الألم، وتؤكد أن الشاعر محمد عبدالفتاح لا يكتب مجرد كلمات، بل يصوغ مشاعر تلامس كل من مرّ بتجربة خذلان وخرج منها أكثر قوة وإيمانًا بنفسه
