هل يدفع ضريبة نجاحه قصة تعنت جامعة فاروس ضد مطرب المهرجانات أحمد خالد

‎

هل يدفع ضريبة نجاحه؟.. القصة الكاملة لتعنت جامعة فاروس ضد مطرب مهرجانات أحمد خالد

🚨 بلاغ رسمي إلى وزير التعليم العالي ومجلس الدولة: الدكتور بيسقطني عشان “مطرب مهرجانات”.. الشغل الشريف بقى جريمة وعشان في حقوق فاروس؟ 🚨

إلى السيد الأستاذ الدكتور / وزير التعليم العالي والبحث العلمي،

إلى السادة المستشارين الأجلاء / بمجلس الدولة،

إلى رئيس جامعة فاروس وعميد كلية الحقوق،

أنا طالب في كلية الحقوق جامعة فاروس، وبجانب دراستي أنا مطرب مهرجانات.. بشتغل، وبشقى، وبتعب عشان أصرف على نفسي وعلى تعليمي الغالي في جامعة خاصة من عرق جبيني. أنا مش حرامي، ولا بمد إيدي لحد، أنا شاب مصري بيحفر في الصخر عشان يبني مستقبله.

لكن الصدمة لما تلاقي دكتور المادة بيعاند معايا وبايع هيبته الأكاديمية عشان “يصفي حسابات شخصية” معايا بسبب شغلي! هل طبيعي يا سيادة الوزير إن دكتور المادة يستقصدني ويشيلني المادة على 48% (يعني على درجتين اتنين بس من النجاح) لمجرد إنه مش عاجبه مجالي؟

بدل ما الكلية تدعم الشاب اللي بيشتغل وبيسحل نفسه عشان يدفع مصاريف الجامعة، بيتم استنزافي مادياً ونفسياً! في كل الأعراف الأكاديمية وقرارات المجلس الأعلى للجامعات، في حاجة اسمها “قواعد الرأفة وجبر الكسر” للطالب اللي واقف على حافة النجاح، لكن هنا التعنت والاستقصاد كان أقوى من روح القانون.

الرسوب ده مش تقييم لمستوايا الدراسي، ده عقاب لي عشان أنا “شقيان” ومرضيتش أكون عالة على حد. ده “إساءة واضحة لاستعمال السلطة التقديرية” واضطهاد علني يخالف أحكام مجلس الدولة المستقرة اللي بتحمي حقوق الطلاب من أهواء الدكاترة.

أنا مش هسكت على حقي، وبطالب السيد وزير التعليم العالي بتشكيل لجنة محايدة برة الجامعة دي تماماً عشان تراجع ورقة إجابتي، وتنقذني من تعنت وتصفية الحسابات دي. أنا بدرس قانون، ومش هسيب حقي بالقانون.

يا شباب، الشغل مش عيب، العيب هو استغلال السلطة. شير عشان الصوت يوصل والمهزلة دي تقف!

‏‎هل يعقل إن طالب في كلية “الحقوق” – الكلية اللي المفروض بتعلمنا العدل وروح القانون – يتشال مادة ويضيع تقديره ومستقبله على 48%؟ يعني على درجتين اتنين بس!

‏‎احنا مش بنطلب درجات مش حقنا، بس في كل أعراف التعليم العالي، في حاجة اسمها “درجات الرأفة” أو “جبر الكسر” لرفع الطالب الراسب على حافة النجاح، خاصة لو النسبة 48% أو 49%. التعنت ده مش بيعاقب الطالب بس، ده بيضيع شقى أهالينا اللي بيدفعوا مبالغ وقدرها في مصاريف الجامعة الخاصة عشان في الآخر مستقبلنا يقف على درجتين بسبب عناد شخصي أو رغبة في “تنشيف” المادة!

‏‎لو كلية الحقوق مش هتطبق روح القانون والعدالة مع طلابها، هتعلمنا إزاي نطبقها برة؟

‏‎أنا بطالب بإعادة مراجعة ورقتي فوراً وتطبيق قواعد الرأفة اللائحية اللي من حق أي طالب في الموقف ده.

‏‎شير والكومنت بيوصل صوتنا للإدارة ! 👇

#وزارة التعليم العالي والبحث العلمي المصرية

#مجلس الدولة المصري

‏Pharos University in Alexandria (PUA)

الهاشتاجات:

الشغل_مش_عيب

وزير_التعليم_العالي

مجلس_الدولة

حقوق_جامعة_فاروس

مظلمة_طلاب_فاروس

(ملحوظه ده تاني مره يعمل كده معايا )