في الأيام الأخيرة بقينا بنسمع قصص كتير مؤلمة… واحد رمى نفسه من على كوبري، حد أنهى حياته في صمت، وأب قرر يقتل أولاده قبل نفسه… حكايات وتفاصيل مختلفة لكن الوجع واحد.
اللي بيحصل ده مش ضعف زي ما البعض بيسارع ويحكم… ده تراكم ألم، وضغط نفسي، ووحدة وصلت لمرحلة صعبة ومظلمة. الإنسان لما بيوصل للحظة دي، بيكون حس إن كل الأبواب اتقفلت، وبقى محبوس في دايرة من اليأس والضجيج الداخلي اللي مش قادر يسكته ولا قادر يشرحه للي حواليه.
لازم نفهم إن المظاهر كتير بتخدع؛ مش كل اللي بيضحك مبسوط، ومش كل الساكت مرتاح. ورا كتير من الابتسامات دي معارك طاحنة وحروب نفسية الناس بتخوضها كل يوم لوحدها، خايفين يتكلموا خوفاً من أحكام المجتمع أو لعدم قدرتهم على التعبير.
عشان كده، الناس ممكن تكون محتاجة تسمع كلمة ممكن تنقذ روح، واهتمام بسيط ممكن يفرق حياة كاملة. مجرد سؤال حقيقي عن الحال، أو مساحة آمنة يسمعوا فيها نفسهم من غير تنظير، تفاصيل صغيرة بس قادرة تنتشل إنسان من الغرق وتغير مسار حياته من اليأس للأمل.
في النهاية.. خلّينا أحنّ على بعض، نلتمس الأعذار، ونقدم الدعم بصدق.. يمكن نكون، من غير ما نحس، سبب نجاة لحد.
#خلينا_أحن_على_بعض
#مش_كل_اللي_بيضحك_مبسوط
#الكلمة_الطيبة_تفرق
#جبر_الخواطر
#أنقذ_حياة
#الصحة_النفسية
#الدعم_النفسي
#الوعي_النفسي
#لا_للانتحار
#الصمت_القاتل
#عمر_فتحي_جلال
