في خطوة جديدة ومبتكرة على السوشيال ميديا المصرية، انطلق برنامج “عم دهب بيتكلم عن الفضة” ليكون أول برنامج من نوعه يقدّم محتوى ترفيهي وتعليمي في نفس الوقت، عن عالم الفضة. البرنامج يقدّمه كريم حمدان، صاحب خبرة في مجال الفضة لأكتر من ٣٠ سنة، واللي قرر يوصل المعلومة للناس بطريقة بسيطة وممتعة.
البرنامج بيجمع بين القصص الحقيقية والنوادر التاريخية اللي حصلت بالفضة، وبين معلومات ونصائح عملية لأي شخص بيحب الفضة أو بيدّخر فيها، وحتشوف بنفسك ليه الفضة تستاهل الكلام عنها.
في أولى حلقاته، عرض البرنامج واحدة من أغرب قصص النصب في تاريخ الفضة، واللي كانت بطلتها 200 كيلو فضة مضروبة!
مش بس كده… البرنامج كمان بيشجّع الناس على الادخار الذكي في الفضة، وبيعلمهم إزاي يبدأوا بخطوات بسيطة تحميهم من التضخم، وتبني ليهم أمان مالي حقيقي.
“عم دهب بيتكلم عن الفضة” مش مجرد برنامج… ده صوت الفضة في مصر، واللي أخيرًا لقى اللي يعبّر عنه ويوصل قيمته لكل بيت مصري.
